વાળી લીધું મન

પ્રિય, લો મેં તમારી જેમ વાળી લીધું મન
હવે તો નિરાંત ? નહિ વિરહ નહિ મિલન

સંબંધના સૂતરને સ્થળે સ્થળે ગાંઠ,
ફગાવી જ દીધો દોર, ફગાવ્યું વસન
રંગ રંગી, પ્હેરી લીધું ચીતર્ નિ:સંગ
ગલી ભણી નહીં, હવે ઉલટો જ પંથ !

પાછું વળી જોવાનું ના તમારે કે મારે,
વાતનો સરસ કેવો આવી ગયો અંત !

એકમેકને અજાણ એમ ધારે ધારે
ફરવું સંભાળી, મળવું ન મઝધારે ;
રખે પેલો પ્રેમ પાછો આવી છાનેમાનો
બાંધી લિયે આપણને પાકા કોઇ તારે.

વરસી વરસી પ્રિય વેરાયું વાદળ
રહ્યું સહ્યું છતમાંથી હવે ગળે જળ.


...પરંતુ હકીકત એ હોય છે ખરી?????
ખરેખર મન વાળી લેવાથી વળે છે ?
તારે અને મારે હવે કોઇ સગપણ નથી,
મનને પૂછો હજુ પણ કોઇ વળગણ નથી ?
ઢીંગલા ઢીગલીની આ કોઇ રમત તો નથી
સહજ કહીગયા તમે?કોઇ અવઢવ પણ નથી?